9

പാ​ല​ക്കാ​ട്: സ്വ​കാ​ര്യ ബ​സ് ഉ​ട​മ​ക​ൾ അ​നി​ശ്ചി​ത​കാ​ല പ​ണി​മു​ട​ക്ക് പ്ര​ഖ്യാ​പി​ച്ചു. കെ​എ​സ്ആ​ർ​ടി​സി പ്രി​യ​ദ​ർ​ശി​നി പ​ദ്ധ​തി​യു​ണ്ടാ​ക്കി​യ പ്ര​തി​സ​ന്ധി പ​രി​ഹ​രി​ക്കാ​ൻ സ​ർ​ക്കാ​ർ ഇ​ട​പെ​ട്ടി​ല്ലെ​ന്നാ​രോ​പി​ച്ചാ​ണ് ബ​സു​ക​ൾ നി​ർ​ത്തി​വ​ച്ച് അ​നി​ശ്ചി​ത​കാ​ല പ​ണി​മു​ട​ക്ക് ആ​രം​ഭി​ക്കാ​ൻ ഓ​ൾ കേ​ര​ള ബ​സ് ഓ​പ്പ​റേ​റ്റേ​ഴ്സ് ഓ​ർ​ഗ​നൈ​സേ​ഷ​ൻ സം​സ്ഥാ​ന സ​മി​തി തീ​രു​മാ​നി​ച്ച​തെ​ന്ന് ഭാ​ര​വാ​ഹി​ക​ൾ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു. സ​മ​ര​ത്തി​നു​മു​ന്പ് മു​ഖ്യ​മ​ന്ത്രി​യെ​യും ഗ​താ​ഗ​ത​മ​ന്ത്രി​യെ​യും കാ​ണും.

ഇ​തി​നു​ശേ​ഷം സ​മ​രം തു​ട​ങ്ങു​ന്ന തീ​യ​തി പ്ര​ഖ്യാ​പി​ക്കും. കെ​എ​സ്ആ​ർ​ടി​സി ഓ​ർ​ഡി​ന​റി ബ​സു​ക​ളി​ൽ സ്ത്രീ​ക​ൾ​ക്കു സൗ​ജ​ന്യ​യാ​ത്ര ന​ൽ​കു​ന്ന പ്രി​യ​ദ​ർ​ശി​നി പ​ദ്ധ​തി​മൂ​ലം സ്വ​കാ​ര്യ ബ​സ് മേ​ഖ​ല​യ്ക്ക് 120 കോ​ടി​യി​ല​ധി​കം രൂ​പ​യു​ടെ ന​ഷ്ട​മു​ണ്ടാ​യി. ടി​ക്ക​റ്റ് നി​ര​ക്ക് വ​ർ​ധ​ന സ​ർ​ക്കാ​ർ പ​രി​ഗ​ണി​ക്കു​ന്നി​ല്ല. മു​ഴു​വ​ൻ ബ​സു​ട​മ​ക​ളു​മാ​യി ചേ​ർ​ന്ന് സ​മ​രം ന​ട​ത്തു​മെ​ന്നും സം​സ്ഥാ​ന ജ​ന​റ​ൽ സെ​ക്ര​ട്ട​റി ടി. ​ഗോ​പി​നാ​ഥ് അ​റി​യി​ച്ചു.

2022ൽ ​നി​ശ്ച​യി​ച്ച യാ​ത്രാ​നി​ര​ക്ക് വ​ർ​ധി​പ്പി​ക്കു​ക, വി​ദ്യാ​ർ​ഥി​ക​ളു​ടെ യാ​ത്രാ​നി​ര​ക്ക് വ​ർ​ധി​പ്പി​ക്കു​ക, ഡീ​സ​ലി​നു സ​ബ്സി​ഡി ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചാ​ണു സ​മ​രം. സ​ർ​ക്കാ​രി​ന്‍റെ ഭാ​ഗ​ത്തു​നി​ന്ന് എ​ന്താ​ണു നി​ല​പാ​ടെ​ന്ന് അ​റി​ഞ്ഞ​ശേ​ഷം തു​ട​ർ​ന​ട​പ​ടി സ്വീ​ക​രി​ക്കും. നി​ല​വി​ൽ സ്വ​കാ​ര്യ ബ​സ് വ്യ​വ​സാ​യ​ത്തി​ന്‍റെ അ​വ​സ്ഥ വ​ള​രെ മോ​ശ​മാ​ണ്. ഓ​ണ​ക്കാ​ല​ത്ത് ജീ​വ​ന​ക്കാ​ർ​ക്കു ശ​ന്പ​ള​മോ ബോ​ണ​സോ ന​ൽ​കി​യി​ട്ടി​ല്ല.

പ​ണ​മ​ട​യ്ക്കാ​ത്ത​തു​കൊ​ണ്ട് ധ​ന​കാ​ര്യ സ്ഥാ​പ​ന​ങ്ങ​ൾ ബ​സ് പി​ടി​ച്ചെ​ടു​ക്കു​ന്ന സാ​ഹ​ച​ര്യ​മു​ണ്ട്. പ​ശ്ചി​മേ​ഷ്യ​ൻ സം​ഘ​ർ​ഷ​ത്തി​ന്‍റെ പ​ശ്ചാ​ത്ത​ല​ത്തി​ൽ ഡീ​സ​ലി​ന് എ​ട്ടു​രൂ​പ 50 പൈ​സ​യാ​ണു കൂ​ട്ടി​യ​ത്. അ​തി​നു​മു​ന്പ് സ​ർ​ക്കാ​ർ ര​ണ്ടു​രൂ​പ സെ​സ് കൂ​ട്ടി​യി​രു​ന്നു. ഓ​യി​ലി​ന്‍റെ വി​ല 250 ആ​യി​രു​ന്ന​ത് 400 ആ​യി. ഈ ​സാ​ഹ​ച​ര്യ​ത്തി​ൽ ബ​സ് വ്യ​വ​സാ​യം മു​ന്നോ​ട്ടു കൊ​ണ്ടു​പോ​കു​ക ബു​ദ്ധി​മു​ട്ടാ​ണെ​ന്നും ടി. ​ഗോ​പി​നാ​ഥ് പ​റ​ഞ്ഞു.